УНЕСКО ги поканува државите членки да поднесат свои номинации за наградите УНЕСКО-Лореал за жените во науката за 2022 година. Наградите во износ од по 100.000 евра поединечно ќе им бидат доделени на пет истакнати жени научници, за нивниот особен придонес во научното истражување, посветеност и влијание врз општеството.
Кандидатурите се поднесуваат преку онлајн-платформата креирана за овие награди: https://www.forwomeninscience.
За да бидат навреме доставени на онлајн-платформата на УНЕСКО, Министерството за образование и наука повикува заинтересираните од земјава најдоцна до 20 мај 2021 да ги достават номинациите со придружните документи до Националната комисија за УНЕСКО на Република Северна Македонија, во печатена и електронска форма на мејл-адресите: [email protected] и [email protected].
На веб-страницата на МОН е достапен повикот на УНЕСКО за номинации и информации за правилата и процедурите за оваа награда.