67-годишен жител на селото Бела Црква, општина Кривогаштани, загина вчера попладне, откако со „југо“ излетал од патот Крушеани – Обршани, информира Министерството за внатрешни работи.
– Вчера во 14:05 часот на патот Крушеани – Обршани, општина Кривогаштани, кај место викано „Бревче“, патничко возило „југо“, со прилепски регистарски ознаки, управувано од Д. К. (67) од село Бела Црква, општина Кривогаштани, излетало од патот. Притоа, возачот починал на местото на незгодата, соопштува МВР.
Смрт констатирал лекар од Итна медицинска помош Прилеп, а увид на извршила увидна екипа на ОВР Прилеп. По наредба на Јавен обвинител телото на починатиот било предадено на обдукција.