Стадионот Астродоум во Хјустон, терминалот на меѓународниот аеродром Џон Ф. Кенеди во Њујорк, Пан Ам и селските училишта во сојузната држава Монтана, влегоа во листата на најзагрозени историски места во САД.
Листата денес ја објави Националниот фонд за зачувување на историски знаменитости, а на неа се најдоа единаесет најзагрозени објекти од историско значење во САД.
Светилник „Геј Хед“
Првиот светилник изграден на островот Мартини, би можел наскоро да исчезне. Во моментов се наоѓа на само десетина метри од работ на карпите, а поради ерозија на земјата секој ден е во ризична позиција.
Стадион „Астродом“
Првиот затворен стадион на светот со климатизиран систем, е отворен во 1965 година. Тој беше прогласен и за осмо светско чудо. Денес му е потребен план за повторна употреба, за да се избегне рушење.
Село Меримонт
Десетина милји одалечена од Синсинатиј, оваа населба важи за една од првите плански градени општини. Таа настана по Првата Светска војна, а требаше да послужи како национален пример за мали населби со три паралелни улици, парк и куќи.
Црква Свети Хосе
Шпанската црква која што е изградена во готички стил 1592 година е сместена во близина на Сан Хуан, во Порторико. Веќе со години е затворени поради проценката дека нејзината состојба е опасна по безбедноста на сите кои ќе престојуваат во неа.
Куќа „Ејбисинијан“
Познатата куќа „Ејбисинијан“, е една од најстарите згради, која служеше за собирање на Афроамериканцит, во текот на долгата борба за човекови права. Денес е во многу лоша состајба, па и е потребна целосна реконструкција, за која се уште не се обезбедени средства.
Елена Георгиевска