Тројца малолетници поднесоа тужба против ТВ каналот „Фокс њуз ченел” бидејќи во програма во живо е прикажано самоубиството на нивниот татко по полициска потера.
Децата на триесет и двегодишниот Џо Дон Ромер на возраст од 9, 13 и 15 години во тужбеното барање пред судот во Феникс, Аризона наведуваат дека се вознемирени од видео снимката од трагичниот настан, која е поставена и на интернет.
Средношколецот Џо Дон јуниор и неговиот две години помлад брат Френк навеле дека по гледањето на снимката не биле во состојба да ја посетуваат наставата во училиштето и велат дека имаа проблеми со сонот и вознемирувачки мисли.
Новинари на “Фокс” од хеликоптер директно известувале за потерата на полицијата од Феникс по автомобилот кој што го украл Џо Дон Ромеро.
Елена Георгиевска