Благодарение на мерките за преслушкување, американските власти спречија десетина терористички напади, сметаат членовите на Конгресот во САД.
На основа на информациите кои што ги објави владата на САД, откако во медиумите се појавија детали за програми за преслушкување, членовите на Конгресот се уверени дека тоа резултираше со спречување на напади во њујоршкото метро-истакна Мајк Роџерс.
Тој нагласи дека пратениците се малку нервозни поради можните идни чекори на Едвард Сноуден, поранешен вработен во фирма, која што работеше за Националната безбедносна служба. Сноуден информациите за преслушкување им ги проследи на медиумите.
Роџерс изјави дека очекува владата на Вашингтон да ја отстрани ознаката за доверливо и од други информации.
Претседателот на САД, Барак Обама силно застана во одбрана на програмата за надзор, наведувајќи дека таа била транспарентна.
Елена Георгиевска