Алијанса и Алтернатива најавија повлекување на амандманите, одблокиран петтиот пакет економски мерки

Од:

Од Коалицијата Алијанса за Албанците и Алтернатива најавија повлекување на илјадниците амандмани со кои е блокирано донесувањето на петтиот пакет економски мерки во Собранието. Од албанскиот опозициски блок за „А1он“ потврдија дека повлекувањето на амандманите ќе биде или во текот на денот или најдоцна утре. Но, оттаму додаваат дека очекуваат да се донесе Законот за државјанство со консензус, кој пак со амандмани го блокираше опозициската ВМРО-ДПМНЕ.

„Нашиот став за повлекување на амандманите доаѓа откако ВМРО-ДПМНЕ највави дека ќе го деблокира Законот за државјанство. Уште во текот на денот можно е да ги повлечеме околу 3.000 амандмани за петиот пакет економски мерки со што ќе се овозможи помошта да ја добијат најпогодените граѓани од кризата. Но, очекуваме Законот за државјанство да биде донесен со консензус, затоа што како и петтиот пакет економски мерки и тој е во интерес на граѓаните“, информираат од Алијанса за Албанците и Алтернатива.

Поради блокадата на Собранието повеќе од 16.000 работници погодени од пандемијата не можат да ги земат февруарската и мартовската плата, а заглавена е и помошта за стопанствениците како дел од пакетот анти-кризни мерки.

Што се однесува до Законот за државјанство, допрва ќе се разговара дали предложениот закон ќе претрпи измени преку амандмани или ќе има догвор со власта за изговување на ново законско решение за државјанствата.

Деталите ќе се знаат по најавената средба во петок помеѓу премиерот Зоран Заев и лидерите на Алијанса за Албанците и Алтернатива, Зијадин Села и Африм Гаши.

Би можело да ве интересира

Собранието ќе ги продолжи прекинатите опозициски пратенички прашања

А1он

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции

Законот за јавни набавки повторно во Собранието, поднесени 2.158 амандмани

Катерина Ѓуровски

За измените на Законот за јавни набавки поднесени 2.158 амандмани, ВМРО-ДПМНЕ бара бришење на членот оспорен од претседателката Сиљановска Давкова