СНС, Социјалистичката партија, ПУПС и УРС попладнево го потпишаа коалициониот договор за гормирање на идната влада. Со спогодбата лидерите на овие партии се обврзуваат на заеднички политички цели, од кои најважна е државната политика.
Сите ставија потпис на договорот во кој стои дека „Србија нема да го признае Косово, но дека е потребна нормализација на животот на сите граѓани на Косово и Метохија“.
Во тектстот се наведува и дека Србија ќе развива посебно добри меѓусоседски односи со Црна Гора, Македонија, Босна и Хрватска. Идната влада најавува реформи во стопанството, странски инвестиции, поголем наталитет, остри санкции за насилство над жени и деца, потполно бесплатно здравство, и пред се слобода на медиумите и спречување на коцнетрација на медиумски монопол.
Веќе се познати и имињата на министрите во новата влада меѓу кои в.д. претседателот на СНС Александар Вучиќ ќе раководи со одбраната на Србија, а Ивица Дачиќ освен премиер ќе ја врши и функцијата министер за внатрешни работи. Со дипломатијата ќе раководи Леон Коен, а Млаѓан Динкиќ ќе биде министер за економија и финасии.