Владеачката партија со соопштение реагираше на барањето на советниците од СДСМ во Град Скопје кои апелираа власта да преземе мерки и да ги врати спомениците на борците од АСНОМ во градскиот парк кои се преполовени или воопшто ги нема.
„Очигледна е конфузноста на СДСМ. Еднаш обвинуваат зошто се градат споменици, а денес критикуваат зошто не се градат.
СДСМ треба да престане со поделбите кои ги прави. Се градат споменици на истакнати личности од древниот период, и од Илинденскиот период, и од НОБ и АСНОМ.
Ако СДСМ толку се грижеше за достојно одбележување на периодот на НОБ ќе поддржеше поставување на споменик на Методија Андонов Ченто, споменикот на Президиумот на АНСОМ, на Павел Шатев, немаше да се противи во Скопје улица да добијат Панко Брашнаров и Киро Глигоров.
СДСМ треба престане со својата деструктивност. Тие не изградија ништо што ќе се памети, затоа немаат кредибилитет да говорат на оваа тема“, пишуваат од ВМРО-ДПМНЕ.