Заменикот на американскиот државен секретар Вилијам Бернс во текот на состанокот со косовскиот премиер Хашим Тачи истакна дека дава поддршка за реализација на договорот со Србија.
Бернс, како што наведуваат медиумите истакна дека САД ја подржува агендата за европските интеграции на Косово и дека ќе даде конкретен допринос во нејзино остварување.
Тој изразил поддршка за постигнувањето договор и уверување дека истиот ќе се спроведе.
Тачи на Бернс му нагласил дека очекува договорот бргу да се ратификува во косовскиот парлемент, за да се отвори патот кон спроведувањето.
Косовскиот премиер вчера се сретна и со заменикот на секретарот за одбрана на САД, Џејмс Милер и со шефот на известувачката агенција (ЦИА), Џон Бренан.
Елена Георгиевска