По иницијатива на Претседателот на СДСМ, Зоран Заев од денеска во составот на Кабинетот се промовира функцијата „Советник на Претседателот на СДСМ за комуникации и креирање политики“.
Оваа функција ќе ја извршува Роберт Поповски врз основа на професионален ангажман, како надворешно, непартиско лице.
Ставот на Претседателот на СДСМ е дека Роберт Поповски кој суштински ги познава новинарската професија, медиумите, односите со јавност, но и политичката сцена во Македонија ќе даде значаен придонес во успешна презентација, видливост, достапност и прилагодливост на политиките на Претседателот и на Социјалдемократскиот сојуз на Македонија кон интересите на граѓаните на Република Македонија, соопштуваат од СДСМ.