Пред осмото издание на Меѓународниот уличен фестивал „Баскерфест“ околу 100 артисти од дваесетина земји во светот вечерва со настапот во Гевгелија ја почнуваат турнејата низ Македонија.
– Годинава, решивме на граѓаните да им понудиме релаксирачки одмор и луда забава со квалитетна и разновидна музика. Музичката програма е подготвена од голем број бендови зачинета со ноти на рап, реге, рок и етномузика. Фестивалот ќе се дисперзира во цела Македонија со одржување на 30 концерти. Почнуваме вечер во Гевгелија, во петок се селиме во Скопје, а на 3 јули ќе завршиме во Дојран, изјави Пане Темов од Здружението на граѓани One Way, организатор на фестивалот „Баскерфест“.