Повторно ќе победуваме како што победуваме. Ништо не е готво порача Донал Трамп во говорот со кој завршува големиот републикански собир на Флорида. Ова е првото појавување на Трамп по напуштањето на Белата куќа.
Во говорот го обвини новиот претседател Бајден за промашените политики особено околу прашањето на миграните велејќи дека новата администрација ја урнала границата и предизвикала масовно доаѓање на илегални мигранти.
„Знаевме дека админстрацијата на Бајден ќе биде лоша, но не знаевме дека можат да станат левичари. Кампањата му беше исполнета со лага. Тие се против семејството, против новите работни места, против жените, против науката и против границите“ – рече Трамп.
Трамп потенцираше дека нема да формира нова партија затоа што меѓу републиканците има огромна поддршка и нема намера да прави поделба на гласовите.
„ Можеби и ќе решам да ги победам и по трет пат“ – порача Трамп најавувајќи можна повторна борба за Белата куќа.