Тројца руски полицајци и двајца терористи се убиени, а двајца цивили се ранети во денешниот инцидент во руската република Дагестан во кој кога напаѓачите отвориле оган врз полицијата.
Вооружените напаѓачи на возраст од 21 и 28 година, на лице место ги убиле тројцата полицајци, и раниле уште двајца случајни минувачи.
Останатите полицајци веднаш го убиле едниот од напаѓачите, а вториот е убиен додека се обидувал да избега од местото на злосторството, пренесоа француските медиуми.
Во одвоено соопштение на службата за безбедност се наведува дека во еден стан во најголемиот град во републиката, Махачкала, се откриени самоубиствени појаси наполнети со експлозив од домашна изработка. Во акцијата се уапсени две девојки, во чиј стан е пронајден експлозивот.
Регионот на Дагестан последните 20 години претставува непресушен извор на вооружен бунт и тероризам, а во судирите на младите муслимански фанатици и полицијата секоја година на двете страни страдаат стотици лица.