Морис Чикс е новиот тренер на НБА лигашот Детроит Пистонс. 56-годишниот Чикс на клупата на Детроит доаѓа на местото на Лоренс Френк кој пред два месеца доби отказ од клубот.
Во досегашната кариера Чикс бил предводник на Портланд и Филаделфија, а последните четири сезона работеше како помошен тренер во Оклахома.
Скорот на Чикс предводејќи ги неговите клубови во НБА лигата е 284 победи и 286 порази во основниот дел и 5-11 во плеј-офот.
– Задоволни сме што за тренер ќе го имаме човекот кој е со големо знаење во кошарката, има комуникациски и лидерски вештини и искуство кое верувам многу ќе ни помогне за постигнување подобри резултати во иднина, изјави сопственикот на Детроит, Том Горс.
Клубот предводен од поранешниот тренер Френк изминатите две сезони имаше негативен биланс од 54 победи и 94 порази.