Владеачката ВМРО-ДПМНЕ објави повик за кандидирање претседатели на 38 задгранични комитети. Конкурсот се однесува за 21 град во Европа, 12 во САД, два во Канада и три во Австралија.
Ова се поврзува со новиот бран на освежување и окрупнување што го најави и партијата.
Од ВМРО-ДПМНЕ истакнуваат дека целта е надоградување на потенцијалите и продолжување со заложбите за постојано освежување и реформа.
Нагласуваат и дека интересот меѓу македонските иселеници е голем.
По доставувањето на кандидатурата, односно биографијата и програмата, секој кандидат дополнително ќе биде контактиран и со него ќе биде извршен разговор.
Сите кандидати имаат подеднакви шанси да бидат избрани, зависно од личните квалитети, успесите во минатото и визијата за
иднината. Секој пријавен кандидат ќе биде третиран со строга дискреција, со цел за заштита на кандидатите кои нема да бидат избрани,стои во повикот на ВМРО-ДПМНЕ.