Бранко Црвенковски истото што го зборуваше во 2002 година, истото што го зборуваше во 2010 година го зборува и сега. Нема развој, нема нови идеи, нема проекти, нема програма и визија. Ова е ставот на ВМРО-ДПМНЕ за лидерот СДСМ кој на прес конференција го соопшти Александар Бичиклиски.
„Бранко нема одговор на потребите на граѓаните. Единствено си го повторува истото тоа што го зборува 20 години.
Бранко одржува ист говор полн со демагогија и без конкретни ставови и предлози за било кое прашање. Ништо не се менува.
Главната причина за ова е фактот што Бранко Црвенковски е истрошен политичар.
Разликата е во тоа што тогаш граѓаните му поверуваа на празните зборови, а сега знаат дека тој ги лаже.
Овој човек нема одговори на најважните прашања: Каде одеа парите додека тој беше на власт а кога не се градеше ништо. Овој човек нема ниту јасен став за името, за економијата, за клучните области. Нема програма и план. Она што му остана се само празните зборови“, рече Бичиклиски.