Германскиот производител на лекови „Баер“ денеска соопшти дека првите дози на вакцината КјурВак против Ковид-19 од својата фабрика во Вупертал во Германија ќе ги испорача во четвртиот квартал.
– Многу сме уверени дека првите вакцини ќе можеме да ги испорачаме пред крајот на годината, ако сè оди добро, рече извршниот директор Вернер Бауман за време на посетата на фабриката од страна на премиерот на Северна Рајна-Вестфалија, Армин Лашет.
Германската биотехнолошка компанија КјурВак (CureVac), која почна со доцна фаза на тестирање на вакцината во декември и очекува да објави привремени резултати овој квартал, на почетокот на месецов склучи договор со Баер за да помогне во создавањето на нејзината вакцина.