Најмалку седум лица загинаа, а 22 се ранети во денешниот самоубиствен бомбашки напад на воен контролен пункт во северниот дел на Багдад, соопшти полицијата.
Во нападот се убиени петмина војници и двајца случајни минувачи, а меѓу ранетите има шест цивили.
Напаѓачот упаднал во контролниот пункт со возило, полно со експлозив. Нападот се случил во шиитската населба Казими, една од двете најважни места за верници во Ирак, со оглед на тоа дека тука се погребани двајца шиитски светци.