Сопругата на тетовецот Гоце Димитриевски, кој пред повеќе од две години загина во страотна сообраќајка кај „Млечен ресторан“ во скопски Капиштец, на Твитер објави дека Апелациониот суд ја преиначил првичната пресуда за условна казна за виновникот за несреќата, и дека тој со новата пресуда ќе оди две години во затвор, а добил и забрана за управување со возило во времетраење од две години.
32-годишниот Димитриевски загина кога тој и неговата бремена сопруга Наташа, кои се возеле на мотор, ги удри возачот на џип, тогаш 61-годишниот Васил Чорбаџиев, кој преминал преку две полни линии, вртејќи во забранет правец. Сопругата Наташа беше тешко повредена, а како последица на ужасната несреќа, го загуби бебето.
„Апелациониот суд Скопје ја преиначи казната за сообраќајната незгода кај Млечен и одлучил Васил да оди 2 години во затвор и 2 години да не управува пмв, затоа што ми го одзеде најмилото,“ напиша на Твитер Димитриевска.
Бескрајна благодарност до сите,#правдазаГоце#правдазаМене#правдазаНас ,
Апелациониот суд Скопје ја преиначи казната за сообраќајната незгода кај Млечен и одлучил Васил да оди 2 години во затвор и 2 години да не управува пмв, затоа што ми го одзеде најмилото ??— Natasha Dimitrievska (@napostoloska) February 9, 2021
