БиХ сака да се вклучи во „мини Шенгенот“

Од:

Претседателот на Советот на министри на Босна и Херцеговина, Зоран Тегелтија, смета дека во земјата е создадена атмосфера за прифаќање на иницијативата за влез во „мини Шенген“.

Тој потсети дека во моментот кога иницијативата „мини Шенген“ беше иницирана од претседателот на Србија Александар Вучиќ и премиерите на Северна Македонија и Албанија, Зоран Заев и Еди Рама, таа не беше поддржана од властите во БиХ и Црна Гора, бидејќи се сметаше дека е потребно да се оди понатаму кон членство во ЕУ, а дека „мини Шенген“ претставува затворање во границите, но посочува дека сега расположението по тоа прашање се менува.

Како што изјави Тегелтија за Танјуг, на Самитот во Софија, креиран е нов т.н. заеднички регионален пазар, кој во суштина презема два проекта – едниот е „мини Шенген“, а другиот е Повеќегодишниот акциски план за регионалн економска област, што БиХ го има потпишано.

-Се надевам дека ова свикување на Европската комисија и лидерите на западните земји ќе ја сменат нивната позиција во однос на Западен Балкан и ќе му овозможат на регионот да стане составен дел од семејството на европските земји, каде што припаѓаме, географски, културно и на секој друг начин, кажа Тегелтија.

Истовремено, тој нагласи дека мора да се искористат сите предности на заедничкиот регионален пазар со цел Западниот Балкан да биде подготвен за влез во ЕУ, без разлика колку брзо ќе се приклучат земјите.

Би можело да ве интересира

Претседателството на БиХ добило дојава за поставена бомба

Горан Наумовски

Нова семејна трагедија се случи во БиХ: Со бензин го запалил својот брат, жртвата починала во болница

(ВИДЕО) Во Босна и Херцеговина падна првиот снег

Горан Наумовски

Земјотрес ја погоди Босна и Херцеговина: „Ме лансираше од кревет, се се тресеше“

Горан Наумовски

Додик има план за мирна разделба во БиХ

Босна и Херцеговина ги укинува визите за илегалните мигранти кои доаѓаат под маската на странски работници