Земјотрес со јачина од седум степени според Рихтеровата скала го погоди денеска островот Минданао на Филипините, а епицентарот на потресот бил во морето кај градот Хозе Абад Сантос.
Земјотресот се почувствувал како силно тресење на поголемиот дел од островот.
Потресот се случил на 231 километар југоисточно од Хозе Абад Сантос во 20 часот и 23 минути по локално време, соопшти Филипинскиот институт за вулканологија и сеизмологија.
Во градот Сантос земјотресот бил почувствуван со интензитет 5 или „силно“, според скалата која ја користи Институтот.