Градот Осака и околните префектури бараат јапонската Влада да ја прошири вонредната состојба во градовите на западот на земјата, со цел да се спречи понатамошно ширење на новиот коронавирус.
Просечниот дневен број на нови инфекции во јапонскиот главен град Токио е над 2.000, но јапонскиот министер за економија Јасутоши Нашимира потврди дека ситуацијата во Осака, Кјото и Хјого е сериозна, па затоа се разгледува барањето на гувернерот за продолжување на вонредната состојба на запад во државата.
Владата на Јапонија прогласи вонредна состојба во Токио и трите соседни префектури во четвртокот со цел да се намали ширењето на вирусот, но засега не воведува построги мерки заради негативните последици што може да ги имаат врз економијата.
Во последните 24 часа беа потврдени уште 2.268 случаи на ковида-19 во Токио, што е трет ден по ред со повеќе од 2.000 новоинфицирани лица.