Вчера околу 17:20 часот на магистралниот пат Куманово – Крива Паланка во близина на месноста „Ливади“, автомобил „Ситроен Берлинго“ со кумановски регистарски ознаки, управуван од Љ.М.(66) од Куманово, удрил во Б.М.(79) од Куманово, соопшти МВР.
По незгодата, жената била пренесена во Ургентниот центар во кумановската болница, каде ѝ била констатирана тешка телесна повреда, по што е испратена во комплексот клиники „Мајка Тереза“ во Скопје, каде во 23,30 часот починала, се вели во полициското соопштение.
Увид на местото на настанот извршила увидна екипа од СВР Куманово.