на 7-ми и 8-ми Јуни во Градскиот парк, под отворено небо, Скопје ќе ги здружи своите маала, ќе ги придвижи улиците и ќе ги соедини младите на едно масовно урбано будење.
Преку креативност, интеракција и музика, целта е, велат организаторите, заедно со граѓаните да се изгради социјалниот и емотивниот капитал за да се трансформира градот во една супер урбана средина.
Скопје Стрит Фестивал 2013 ќе биде подиум на урбана улична уметност.
Ќе бидат отворени 4 подиуми: графити, скејт, блејд, бајк, музички и едукативен, а мултиетничката толеранција на улиците во градот е идејата на која треба да се работи.
Повеќе од 25 стрит артисти учествуваа во креирање на овој настан, преку идеи до реализација, и заедно е поставен подиумот на кој ќе се чуе гласот на скопските улици. На Скопје тоа му треба.