Шпанскиот министер за одбрана Педро Моренес денеска најави дека ќе се преземат безбедносни мерки и во земјата и надвор од неа за заштита на воениот персонал по нападите во Лондон и во Париз.
– Сите се погодени од заканата која е присутна во светот и која е тешко да се контролира, изјави Моренес на Денот на вооружените сили, на која присуствуваше и шпанскиот крал Хуан Карлос.
Манифестацијата беше одржана во согласност со мерките за штедење на шпанската Влада и траеше само 20 минути, немаше воена парада ниту прелетување на авиони.