Португалскиот премиер Антонио Кошта ќе замине во двонеделна самоизолација, откако имаше средба со францускиот претседател Емануел Макрон, кој е позитивен на коронавирусот.
Кошта пред два дена беше негативен за тестот за Ковид-19, но,сепак, ќе остане во самоизолација до 29 декември.
Кабинетот на португалскиот премиер соопшти дека Кошта ги откажал сите јавни активности, вклучувајќи ги и патувањата во Сао Томе и Принципе и Гвинеја-Бисао, но дека ќе продолжи да работи од дома.
По објавата дека Макрон е заразен, шпанскиот премиер Педро Санчез, кој неодамна одржа состанок со францускиот претседател, исто така беше тестиран.
Макрон вчера во живо на Твитер изјави дека се чувствува добро и дека работи, иако со позабавено темпо.