Зимските Олимписки игри во Сочи ќе бидат фантастични, изјави претседателот на МОК Жак Рохкој, објавува „Независимаја газета“.
Игрите ќе бидат фантастични и според авторите на критички настроен извештај претставен во весникот.
Руските политичари од вонпарламентарната опозиција Борис Немцов и Леонид Мартинјук во документ за ОИ прават споредби со порано одржаните олимпијади.
Според расходи од над 50 милијарди долари, Олимпијадата во Сочи ќе биде поскапа од трошоците за спортските објекти на сите досегашни зимски олимпијади – 21. Најголем дел од средствата се државни расходи. Станува јасно дека дури и најскапата Олимпијада во Пекинг во 2008 година била поевтина од таа во Сочи – чинела според официјални податоци 43 милијарди долари, се вели во извештајот.
Вкупната сума за подготовките за ЗОИ во Сочи е речиси четири пати повисока од првичните сметки. Критичарите наведуваат дека песрпективите за понатамошно користење на изградените објекти се речиси никакви и постои голем ризик.