Издавачката куќа „Слово“ ја објави книгата „Раѓањето на мултипартизмот: страници од македонската политичка историја“ од д-р Ѓорѓи Спасов, која ја следи појавата и развојот на мултипартизмот во македонските околности, создавањето и делувањето на политичките партии и обликувањето на демократскиот амбиент.
– Авторот ги анализира тешкотиите и нејаснотиите со кои се соочуваат политичките партии, трендот на политизирањето на политичката сфера, дефицитарноста на демократизмот внатре партиите, етничкиот момент во развојот на мултипартизмот и воопшто одликите на мулипартизмот кај нас од почетокот до најновите денови. Притоа, македонскиот мултипартизам Спасов го разгледува и во пошироката бившојугословенска, европска и источноевропска слика и сите тие процеси во оваа студија добиваат научна експликација, соопшти „Слово“.
Издавачот наведува дека во последниве три години, покрај колумните со кои се појавува во медиумите и оваа студија , Спасов ги објави и книгите „Зад маската на патриотизмот: анатомија на еден авторитарен режим“ и „Политичкиот, предизвик на социјалдемократијата: македонски искуства“.