На патниот правец Кичево-Охрид, делницата Пресека-Песочан денеска во периодот од 12:00 до 15:00часот ќе има повремени прекини во сообраќајот во двата правца поради минирања што ќе ги врши Илинден АД Струга, информира АМСМ.
Повремените прекини ќе бидат во времетраење од 15 до 20 минути.
Интензитетот на сообраќај на патните правци надвор од градските изутринава средини е умерен. На граничните премини, од македонска страна, нема подолги задржувања за влез и за излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.