Грчкиот сајт bloko.gr, го објави идентитетот на синот на високиот македонски полиричар, кој вечерта на 30. април бил уапсен во Кукуш со дрога и кама во багажникот од возилото.
Се работи за син на човек од државниот врв, виден член на владеачката ВМРО-ДПМНЕ.
20-годишното момче се подготвувало за забава на Халкидики за Велигденските празници, но „зачинета“ со дрога.
Количеството дрога, со кое македонскиот државјанин влегол на грчка територија, е мало, најверојатно за негова лична употреба.
Но, ригорозните закони за наркотични средства, кои се дел од глобалната светска борба со наркотици, диктираат строги казни, па Македонецот пред грчкиот суд ќе одговара за тешко кривично дело, за нелеглно поседување дрога и оружје.
Грчките власти закажале рочиште за 5. јули и синот на политичарот е пуштен да се врати во Скопје.
Тој, според, сајтот е прогласен за „persona non grata“.
Од МВР, откако во дел од медиумите почна да се пишува, рекоа дека немаат информации за македонскиот државјанин, кај кого е пронајдена дрога.
Ова, пишува сајтот, не е првпат, децата на политичарот, да му создаваат главоболка. Пред половина година, наведува, по медиумите имало скандал со фотографија на ќерката.