Телекомуникацискиот оператор ОНЕ одбележува една година од лансирањето на при-пејд брендот ЏаБест. Во присуство на претставници на медиумите, партнери и соработници, на 20-ти мај, менаџментот на ОНЕ го прослави првиот роденден на ЏаБест.
„Пред една година, инспирирани од комуникациските потреби на младите, ентузијастички и со големи очекувања го лансиравме ЏаБест, модерен и уникатен при-пејд производ за млади, но и за сите оние се чувствуваат млади во духот.
– Во изминатата година напорно работевме за да го приближиме ЏаБест до корисниците, особено до младите, но и сите кои ќе ги препознаат неговата уникатност и единствени предности. Горди сме на фактот што за само една година ЏаБест друштвото брои повеќе од 250 000 корисници и продолжуваме да работиме на унапредување на производот со цел нашите ЏаБестери секогаш да се чувствуваат посебно”, изјави Генералниот извршен директор на ОНЕ, Цирил Кафол, во своето поздравно обраќање.
Првата годишнина од лансирањето на својот под-бренд ОНЕ ја одбележува под слоганот I Love DzaBest, Слоганот кој вчера наутро со црвено – црни букви осамна на плоштадот “Македонија” во Скопје го означи почетокот на “Неделата на ЏаБест”, во рамките на која ОНЕ предвидува низа промотивни активности низ целата земја.
Воедно, во сите продажни салони на ОНЕ низ земјата во тек е и промотивна продажна акција со која за еден купен ЏаБест СИМ се добива еден гратис.
За потсетување, ЏаБест е уникатен, модерен производ за млади, со препознатлив идентитет своја визија и единствена филозофија. ЏаБест е инспириран од комуникациските навики и животниот стил на младите, а неговото име е асоцијација на најдобра и најевтина комуникација.
