Демократската обнова за Македонија започнува кампања против генетски модифицираната храна (ГМО) која претставува потенцијална опасност по здравјето на луѓето и закана за животната средина.
– ДОМ го дели ставот на зелената опција во Европа и ширум светот дека генетски модифицираната храна, добиточна храна, семе и семенски материјал претставуваат закана за животната средина и потенцијална опасност по здравјето на луѓето и нивното потомство.
– Затоа ДОМ е против употребата на ГМО и се залага за употреба на домашни автохтони сорти и исхрана со здрава храна, истакнуваат од ДОМ.
Кампањата, како што информира ДОМ, има за цел консултација на експерти од оваа област, анализа на законската регулатива во Република Македонија и Европа, како и контрола на присуството на ГМО и примена на позитивни странски искуства.