Претставништвото на најголемата индијска фармацевтска компанија во САД е казнето со рекордни 500 милиони долари, поради продажба на фалсификувани лекови и измама на федерални регулатори.
Полицијата соопшти дека ова е најголема финансиска казна која што е изречена на компанија за производство на генерички лекови, поради прекршување на законот за храна, лекови и козметика.
Компанијата Ranbaxy Laboratories Limited призна дека продавала извалкани лекови, произведени во Индија.
Помеѓу фалсификуваните лекови има и генерички верзија на антибиотици и други лекови.
Компанијата исто така призна дека давала лажни изјави на американската администрација за храна и лекови во годишните извештаи за 2006 и 2007 година, за датумот на тестирање на лековите.
Елена Георгиевска