Последното спроведено истражување на американскиот институт „Пју“ покажува дека граѓаните ја изгубиле довербата во ЕУ како резултат на должничката криза.
Резултатите покажуваат дека одобрувањето за ЕУ опаднало за 15 проценти за една година, односно од 60 проценти во 2012, на 45 проценти оваа година.
На прашањето во однос на состојбата на економијата, 91 отсто од Французите сметаат дека нивната економија оди во лоша насока, што е за десет проценти повеќе во споредба со минатата година.
На прашањето дали економските услови се добри, едвај еден процент од Грците, три отсто од Италијанците, четири проценти од Шпанците, девет од Французите одговориле позитивно.
Само во Германија 75 проценти ги определуваат сегашните економски услови како позитивни.