Денеска Јужна Кореја и САД започнаа дводневни заеднички воени вежби во Јапонско Море каде учествува американската военопоморска група на чело со нуклеарниот носач на авиони „Нимиц“ које еден од најголемите воени бродови во светот, долг речиси 333 метри и може да прими околу 90 авиони и хеликоптери.
Военопоморските сили на САД и на Јужна Кореја ќе симулираат заеднички дејствија при пресретнување со ракети и борба со подморници.
Според Северна Кореја заедничките воени вежби на САД и Јужна Кореја се насочени против неа, бидејќи обработуваат идни напади, чија цел е токму Пјонгјанг.