Шпанецот Рафаел Надал обезбеди настап во финалето на турнирот од Мастерс серијата што се одржува во Мадрид.
Шпанецот во два сета во меч што траеше 79 минути го совлада сонародникот Пабло Андухар.
За Надал ова е петти пат во кариерата да биде дел од финалето на турнирот во Мадрид и го израмни рекордот на својот ривал Роџер Федерер.
Противникот на Надал во големото финале ќе му биде победникот од дуелот меѓу Томаш Бердих и Станислас Вавринка.