Во првиот квартал од годинава Тутунскиот комбинат – Прилеп оствари помала загуба во споредба со претходната година. Според тримесечниот извештај објавен на веб-страницата на Македонска берза, Комбинатот остварил загуба од 1,1 милион евра, што е за 300 000 евра помала во споредба со онаа од лани во истиот квартал.
Во овој период Тутунскиот комбинат на страната на приходите покажува подобри резултати споредбено со лани. Комбинатот оствари оперативни приходи за 22 отсто повеќе од претходната година во истиот период, односно приход од 7,6 милиони евра.
Речиси идентични се трошоците за вработените како и во 2012 година, околу 1,2 милиони евра, а, пак, на страната на расходите за три месеци залихите на готови производи и производство достигнаа 4 милиони евра, наспроти 3,1 милион евра од претходната година.