Утрово, по полноќ, во 03.30 часот било пријавено дека на крстосница од улицата „Борис Трајковски“, улица „Христо Татарчев“ и улица „Кумановска“ во Велес се случила сообраќајна незгода помеѓу патничко моторно возило „опел зафира“ со велешки регистарски ознаки, управуван од 23-годишниот С.Д. од Велес и мопед „априлија“ со велешки регистарски ознаки, управуван од 17-годишна малолетничка од Велес.
Во незгодата со тешки телесни повреди се здобила малолетничката, констатирани во Општата болница Велес.
Извршен бил увид на местото на настанот од увидна екипа од СВР Велес.