Синџири и јажиња се пронајдени во куќата во американскиот град Кливленд, во државата Охајо, од која беа спасени жените киднапирани пред десет години, изјави денеска градоначалникот на локалната полиција.
Имаме потврда дека тие биле врзувани, пронајдовме синџири и јажиња во ходникот на куќата, рече Мајкл Макграт.
Дваесет и седугодишната Аманда Бери, 23-годишната Џина Дехесус и 32-годишната Мишел Најт беа ослободени од заробеништво во понеделникот вечерта.
Тие биле киднапирани соодветно пред десет, девет и 11 години.
Во куќата имало шестгодишно девојче – ќерката на Аманда Бери, родена во заробеништво.
Полицијата ги уапсила осомничените грабнувачи – браќата Ариел, Онил и Педро Кастро .
Началникот на полицијата на Кливленд истакна дека тројцата оосмничени се сослушувани од агенти на ФБИ и службеници на локалната полиција и се очекува подоцна денеска да им бидат покренати обвиненија.