Договорот за нормализација на односите помеѓу Белград и Приштина не е прифатлив за Србите од северот на Косово и тие нема да учестуваат во негово спроведување, заклучија денес лидерите на четирите општини на северото на Косово на заедничкиот состанок во Звечан.
Тие во дискусијата заклучиле дека договорот е штетен и дека не им гарантира ниту минимум услови за живот, па затоа побараа за него да се изјасни Уставниот суд на Србија.
Началникот на Косовскомитровачкиот округ, Раденко Недељковиќ лидерите ги запозна за вчерашниот разговор во Белград со премиерот и потпретседателот на Србија и додаде дека им нагласил дека договорот значи повлекување на Србија од овие простори и уништување на нејзините институции кои се единствена гаранција за опстојување на Србија, на Косово.
-Србија за нас е единствена држава таа нема резервен народ на Косово-истакна тој и ги повика лидерите во текот на посетата на Александар Вучиќ на северот да ја сочуваат својата чест и достоиство во четирите општини (Косовска Митровица, Лепосавиќ, Зубин Поток и Звечан).
Тие нагласија дека раководството на општините од север не е во судир со државата ниту пак водат кампања против актуелната власт.
Елена Георгиевска