Велјаноски и го исклучи микрофонот на Шеќеринска

Од:

Претседателот на Собранието и го исклучи микрофонот на Радмила Шеќеринска. Рече дека тоа го сторил бидејќи и завршиле предвидените 10 минути за дискусија по Извештајот на Агенцијата за администрација за 2011 година.

Шеќеринска поради негодувањето и дофрлањето на пратеници од ВМРО-ДПМНЕ, инсистираше да добие дополнително време, што Велјаноски не го дозволи.

Реакцијата на дел од пратениците беше, бидејќи Шеќеринска посочи дека во администрацијата работат и партиски војници со несоодветно образование, и праша дали и дел од пратеничката група на ВМРО-ДПМНЕ се препознава тука.

30 проценти од администрацијата се без потребното образование, рече Шеќеринска , а бројот на административците е зголемен за 50.000 нови. Го праша Велјаноски дали реагира бидејќи и неговата ќерка е така вработена.

„Покажавте малку култура. Од вас не очекував ваква дискусија“, одговори претседателот на Собранието.

Павле Трајанов се посомнева во бројките, бидејќи, како што рече, тоа би значело за 300 милиони денари зголемен буџет. Шеќеринска му посочи дека тоа не се бројки од рака, туку се податоци од официјален документ на владата.

Гласањето, поради немање кворум, е презакажано за в понеделник.

Би можело да ве интересира

Собранието ќе ги продолжи прекинатите опозициски пратенички прашања

А1он

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции

Законот за јавни набавки повторно во Собранието, поднесени 2.158 амандмани

Катерина Ѓуровски

За измените на Законот за јавни набавки поднесени 2.158 амандмани, ВМРО-ДПМНЕ бара бришење на членот оспорен од претседателката Сиљановска Давкова