Скопјани кои денеска излегоа на неделна прошетка во Градскиот парк, беа пречекани од шокантна глетка – на семафорот на крстосницата на улиците „Илинденска“ и „Ленинова“ беше поставена скулптура од целосно гол маж.
За скулптурата, која оддалеку изгледа како вистински човек, не е поставено никакво објаснување. Таа очигледно е дел од некаква уметничка инсталација, но сепак предизвика згрозување кај скопјани, кои на социјалните мрежи реагираа дека таа е невкусна.
„Од памет се извадив кога го видов, гол човек потпрен на семафор, целиот валкан и крвав,“ вели еден скопјанец кој поминал покрај скулптурата со своето тригодишно дете и останал запрепастен од несекојдневната глетка.
Човекот е намачкан со боја и изгледа како да го гушка семафорот, а во раката има најлонска кеса. Не е најјасно која била идејата на незнајниот уметник, ниту зошто се одлучил да ја изложи скулптурата на такво јавно место.