Ватикан вчера потпиша договор со американското Министерство за финансии за размена на информации. Договорот е потпишан во рамките на напорот на Светата столица да ги усклади своите норми со интернационалните, во сферата на перење пари и борба против тероризам.
Станува збор за четврт договор со кој Ватикан сака да ја поправи својата репутација во меѓународните финансиски кругови, по серијата скандали во врска со своите банки и перењето пари.
Договорот го потпишаа Рена Брулхарт од ватиканската финансиска надзорна агенција и Џенифер Шаски Калвери од американското Министерство за финансии.
Монетарниот комитет на Советот на Европа кој врши проценка на транспарентноста на работата на Ватикан, своевремено констатираше дека Светата столица е ограничена во можноста да ги подели информациите за финансиското работење, поради сопстените правила кои таквата поделба ја условуваат со постоење на билатерални договори.
Елена Георгиевска