Силниот ураган „Лора“ се приближува кон брегот на САД, a американските медиуми пренесуваат дека засилил до третиот степен од скалата со која се мери јачината на ураганите (од вкупно пет).
Невремето се очекува да се засили до четвртиот степен, како што се приближува кон Луизијана и Тексас. Во моментов брзината на ветерот изнесува 185 километри на час.
На стотици жители им беше наредено да се евакуираат веднаш од крајбрежните области, а властите предупредуваат дека ураганот може директно да го погоди градот Хјустон.
View of Babe's Beach in Galveston, Texas, as Hurricane Laura bears down on the Gulf Coast https://t.co/dlwRB9RiXc
— Reuters (@Reuters) August 26, 2020
Метеоролозите очекуваат брановите да достигнат до четири метри височина, а поради таквите предвидувања, производството на нафта во Мексиканскиот Залив беше стопирано од безбедносни причини.
„Мојата администрација останува целосно ангажирана со националните и локалните служби за итни случаи за да продолжат со подготовките и да им помагнат на луѓето во Тексас, Луизијана и Арканзас. Слушајте ги локалните власти. Ние сме со вас!“, напиша американскиот претседател на Твитер.