Вчера во 14.50 часот било пријавено дека на регионалниот пат Гостивар-Маврови Анови, во близина на Мавровска крстосница, се случила сообраќајна незгода помеѓу патничко моторно возило „опел корса“ со штипски регистарски ознаки, управувано од 50-годишниот В.М. од Свети Николе и патничко моторно возило „ровер“ со тетовски регистарски ознаки, управувано од 47-годишниот И.Р. од Тетово.
Во незгодата со тешки телесни повреди се здобил возачот В.М., а со телесни повреди се здобиле сопатниците од истото возило Л.М. на 37 години и две деца на возраст од пет и три години, потоа возачот И.Р. и сопатничката од истото возило 43-годишната Р.Р., констатирани во Медицинскиот центар Гостивар.
Извршен бил увид на местото на настанот од увидна екипа од Полициската станица Гостивар.