Спасувачки тимови пронајдоа денеска тела на двајца од тројцата пилоти Американци на американски авион цистерна кој се урна во планински регион во Киргистан по полетувањето за Авганистан.
Авионот Боинг Кеј-Си 135 со десетици тони гориво се урна вчера и запали на околу 50 км. од Бишкек, соопштија локалните власти и американски претставници.
– Телото на третиот пилот не е пронајдено, изјави портпарол на Министерството за вонредни ситуации. Официјални лица од американската база Манас ги истражуваат причините за уривањето на авионот.
Педесетина спасувачи ги обновија денеска потрагата и веројатноста да биде пронајдено телото на третиот пилот е многу мала, јавуваат западни медиуми. Базата Манас е важна за американските сили во Авганситан.
Од неа се транспортираат кон Авганистан војници, од таму се евакуираат ранети и се испраќаат авиони-цистерни за доставување гориво.