Министерството за внатрешни работи спроведува голема акција против недозволена трговија со културно-историското наследство, при што се приведени 15-тина лица.
Како што потврдуваат од МВР, меѓу приведените две лица се вработени во Управата за заштита на културното богатство. Апсења се спроведуваат низ повеќе градови во земјава, но главно во Скопје и во Кавадарци.
Според првичните информации, во домовите на приведените пронајдени се поголем број артефакти и икони.
Од МВР најавуваат повеќе информации во текот на денот.
