Ученик во приватно училиште во Охајо е тешко повреден откако извршил обид за самоубиство, пукајќи си самиот во глава со пиштол пред целото одделение.
Обидот за самоубиство се случил во приватна машка академија во градот Синсинати, чиј портпарол Грег Танкерсли изјави дека станува збор за изолиран инцидент и дека ниту еден од учениците не бил загрозен.
Танкерсли пред новинарите истакна дека ученикот си пукал самиот во глава за време на првиот час.
Ученикот, чие име не е соопштено, се наоѓа во критична здравствена состојба и лекарите се борат за неговиот живот. Полицијата објави дека е се уште трае истрагата за тоа како ученикот дошол до пиштол.