Египет објави синоќа планови за изградба на три тунели под Суецкиот канал во вредност од околу 700 милиони долари. Владата потпишала договор со Шпанија која ќе овозможи инженерско-техничка помош, јавуваат локални медиуми.
Во моментот Египет има само еден тунел за автомобили изграден во почетокот на ’80 години од минатиот век.
Владата разработува план за развој на регионот и претворање во голема економска зона која ќе овозможи зголемување на приходите на државата со 100 милијарди долари годишно.
Според проектот ќе бидат изградени уште два автомобилски тунела – во регионот на Порт Саид и до Исмаилија, како и тунел за железница во реонот на Суец. Владата ветува дека првиот тунел ќе биде пуштен во употреба по три години.