Од Здравствен Дом-Скопје информираат дека во среда, 15 јули, денот прогласен за неработен ден, согласно вообичаениот распоред за работа за недела и за празници, ќе функционираат дежурните ординации за здравствена заштита во трета смена, во поликлиниките: Јане Сандански, Чаир, Ченто, Шуто Оризари, Ѓорче Петров, Драчево и Бит Пазар.
Службата за Итна медицинска помош со домашно лекување ќе се грижи за здравствената состојба на граѓаните во текот на 24 часа, а со вообичаено работно време ќе функционира и единицата за домашна посета, информираат од Здравствениот дом.